Вувузелата си отвори пат кон Оксфорскиот англиски речник за прв пат, откако стана симбол на Светското првенство во Јужна Африка.

Заедно со неколку други зборови како "tweetup", "cheeseball" и "turducken", кои досега не беа дел од книжевниот англиски јазик, вувузелата беше вклучена во третото издание на речникот, кој беше објавен денес.

Зборот "вувузела" до пред ова лето се користеше само во некои делови на Јужна Африка. Сега таа и уште 2000 нови зборови беа вклучени во Оксфордскиот англиски речник.

Дел од новите зборови во англискиот јазик се "tweetup" (организирана средба во социјалната мрежа Тwitter), "cheeseball" (недостаток на вкус или стил) и "turducken" (печено јадење од пилешко и месо од мисирка).