Познатата актерка изрази жалење затоа што филмот Skyfall не добил повеќе номинации за Оскар.

Последниот филм за Џејмс Бонд не помина баш најдобро со номинациите за престижната филмска награда, иако направи вистински бум во кино-салите ширум светот.

Џуди Денч, која ја глуми шефицата на тајниот агент 007 рече во интервју за BBC дека „многу и е жал што жирито не го препознал квалитетот“.

„Тоа е баш голема штета. За мене режисерот беше одличен и направи исто така одличен филм“, беше искрена актерката.

Skyfall „заработи“ пет номинации: за најдобра музика, продукција, кинематографија, монтажа на звук и микс, но актерите и режисерот останаа „со кратки ракави“.