Филмската екипа која го реализираше првиот филм за "The Muppets", на чело со режисерот Џејмсон Бобин, почнала со снимање на продолжението на филмот "The Muppets...again!" кој во кината се очекува во 2014 година...

Како што рекол режисерот Бобин, во филмот ќе се оддаде почит на филмовите за Пинк Пантер во кои незаборавните улоги на инспекторот Клузо ги оствари глумецот Питер Селерс.

"Тоа ќе биде филм во стилот на старомодните крими лудории од 60-тите години, само што главните улоги ќе ги толкуваат, жаба, свиња, мечка и пантери, со карактеристична мешавина од скечеви и музика".

Филмот ќе биде снимен во Лос Анџелес и во Лондон во студиото "Pinewood" во кое се снимаат и филмовите за Џејмс Бонд.