Вчера во Лондон, Англија се одржа премиерата за последниот „Хари Потер“ филм и се стави крај на повеќе од десет годишно дружење...

Толпата на булеварот Трафалгер се собираше со денови пред вчерашната премиера на „Хари Потер и Реликвиите на Смртта: Втор дел“ која започна во 16:00 часот по Лондонско време, а заврши во 20:00 часот со започнување на проекцијата на филмот.

Тоа беше една од најголемите премиери некогаш одржани на светот, а сите поголеми ѕвезди од „Хари Потер“ серијалот се појавија на црвениот тепих и дадоа еклузивни интервјуа кои можеа да се гледат во живо на официјалниот YouTube канал за „Хари Потер“ филмовите.

Меѓутоа, беше малку тешко за главните актери и оние кои се вмешани во самиот проект уште од почетокот да се воздржат и да не пуштат по некоја солза, затоа што не е баш лесно да се стави крај на повеќе од десет годишно дружење со истите луѓе кои ги гледале речиси секој ден и станале нивно своевидно семејство.

Најемотивна од сите беше Ема Ватсон, која во „Хари Потер“ филмовите ја глуми Хермиона Гренџер, а во проектот е уште од самиот негов почеток во 2000 година, покрај Даниел Редклиф кој го глуми Хари Потер и Руперт Гринт кој го глуми Рон Визли.

Џ. К. Роулинг исто така заплака, гледајќи ги фановите како го извикуваат нејзиното име и рече дека овој момент се чувствувала најблиско до пишење на уште една книга само за да го доживее ова уште еднаш и да не мора да им каже збогум на толку многу луѓе што и значат во животот.

Филмот ќе може да се погледне ширум светот на 15 јули односно следниот петок.