Јапонски истражувачи од универзитетот во Токио изработиле наочари за кои велат дека би можеле да им помогнат на луѓето да ослабнат...

Наочарите користат компјутерска технологија која кај корисиникот создава привид на една многу поголема и вкусна порција.

Тие имаат мала вградена камера која дава зголемен приказ на храната, мамејќи го мозокот погрешно да перципира. Наочарите можат да го променат и вкусот на јадењето со помош на цевка која пријатниот мирис го праќа дирекно во нос, така шт храната делува повкусно.

Новиот "додаток" е испитан на група волонтери кои изеле речиси 10% помалку храна од оние кои не ги носеле наочарите.

"Начинот како да ги измамиме сетилата, или како со помош на компјутер да влијаеме на нив е многу важно за проучување на виртуелната реалност" рекол водичот на истражувањето, професорот Мичитака Хиросе, истакнувајќи дека "реалноста е во нашиот мозок".

Јапонските научници сеуште не размислуваат да го комерцијализираат овој изум, но планираат да испитат дали луѓето кои сакаат да ослабнат можат да ги користат овие наочари.