Сигурно знаете дека сода бикарбона го смирува желудникот, но таа има уште многу корисни намени во куќата...

Помош за оштетена кожа - Ако сакате да ги намалите болките од изгореници, натопете газа во четири лажици сода бикарбона помешана со вода и ставете ја на оштетената кожа. Исто така, можете да направите и купка со сода бикарбона, а таа може да помогне и кај чешање.

Миење на овошје и зеленчук - За што потемелно да ги измиете овошјето и зеленчукот можете да ги потопите во ладна вода помешана со две три лажици сода бикарбона. Исто така постои и друг начин, а тоа е малку сода бикарбона да ставите на сунѓер и да ја измиете јаболката од восокот со кој е премачкана.

Омекнување на месото - Тврдото месо кое е жилаво кога ќе се испече, пред обработката намачкајте го со сода бикарбона и оставете го неколку часа во фрижидер. Пред печењето само измијте го добро.

Освежување на кутиите со песок за мачки - Наместо да трошите пари на освежувачи, дното на кутијата посипете го со сода или помешајте ја со песокот. Содата ќе го впие непријатниот мирис.

Oмлет - За  мекиот омлет каков што често го гледаме на телевизија, еве ја тајната: на три јајца додадете пола лажица сода бикарбона и резултатот ќе биде одличен.