Торнадо е еден вид на циклон, и се јавува кога има нестабилна атмосфера, а мора да постојат механизми за да се подигне влагата во средните и долните делови на атмосферата...



Торнадото се формира за време на загревање на воздухот и големата влажност во долната атмосфера. Освен тоа, потребен е сув и ладен воздух во горната атмосфера и со нагла промена на брзината на ветерот, паѓа и температурата при зголемување на висината на вртлогот.

Кога се исполнети условите за формирање на торнадо, доаѓа до подигање на топол и влажен воздух, кои се наоѓаат близу до земјата, објавува „Msn News“. Потоа топлиот воздух станува ладен и сув. Со зголемувањето на влагата започнува посилна кондензација, а тогаш се ослободува топлина во околниот воздух, што е доволно за растечките струи да продолжат да се искачуваат нагоре.

Воздухот почнува забрзано да се дига, а ветрот дува во спротивен правец околу настанатиот воздушен прстен. Така настанува вртлог. Тогаш центрифугалната сила исфрла воздух од средиштето и во него создава простор со низок притисок.

Ова јадро со низок притисок дејствува како моќна правосмукалка и ги повлекува сите предмети што ќе ги пресретне. Торнадото на овој начин може да предизвика сериозни човечки и материјални штети, како ова во Оклахома, каде загинаа повеќе од 90 луѓе.