НАСА им предложи на сите оние, кои ги немаат потребните милиони за вистински лет во вселената, да допрат до вселенскиот простор, испраќајќи ги имињата и фотографиите надвор од стратосферата.

За да го направат тоа, љубителите на вселената и интернетот треба  само да ја посетат интернет страницата на НАСА faceinspace.nasa.gov, да испратат своја слика и да ги пополнат формуларите.

НАСА засега има само два планирани летови, "Дискавери" во септември и "Ендевор" во ноември.

Доколку некој испрати слика и име, на крајот на патувањето, ќе добие сертификат за патување низ галаксијата, барем виртуелно.

Иницијативата е бесплатна и се запишува во долготрајната традиција во вселената да се испраќаат повеќе или помалку сериозни предмети.

Дискови од "Битлси", Куклата Баз од цртаниот филм "Toy Story" и многу други веќе се дел од вселената.

Во март 2009 година, еден лилјак исто така одлучил да полета и се сместил во резервоарот на "Дискавери" пред да исчезне од контролните екрани на НАСА по лансирањето на шатлот.