Новата најдолга пица на светот, која ја подготвиле куварите од Краков, имала 1.010 метри должина, пред да ја изедат граѓаните на овој полски град...

Готвачите од полскиот град Краков успеале да влезат во Гинисовата книга на рекорди и тоа со италијанско национално јадење, бидејќи направиле пица долга повеќе од 1 километар.

Двеста готвачи цели 18 часа го подготвувале тестото, за чија подготовка биле потрошени 3.5 тони брашно, два тони сирење, 1.5 тони сос од домати и половина тон печурки и пченка.

Рејмонд Маршал, претставник на Гинисовата книга на рекорди потврдил, мерејќи до милиметри, дека пицата од Краков е долга 1 километар 10 метри и 28 центиметри, два пати подолга од досегашната од италија со 407 метри.