Секоја жена има запознаено маж кој не сакал да користи кондом во текот на сексот. Освен што е оспасно и неодговорно, ваквото однесување е и многу детинесто. Ова се најчестите машки изговори:...

1. За тоа треба да мисли жената
Многу мажи кои не сакат да носат кондоми ја префрлаат одговорноста на жената. Ако веќе мораат да носат кондом, тогаш нека го купи жената. Ние сметаме дека работата околу контрацепицјата е поделба на одговорноста, а никако не се однесува само на едната страна.

2. Не му одговара ниту еден
Или го стега, или неможе да му застане добро, мажите кои не сакаат да носат кондом ќе смислат секакви изговори. Во денешно време може да се купи се за секого, па ако неодамна момчето со број 60.5 успеа да најде патики, сигурни сме дека може да се пронајде и парче латекс кој ги задоволува вашите потреби.

3. Чувството е подобро без него
Овде до некаде се согласуваме, но тоа не значи дека сме спремни да ризикуваме да останеме бремени или да добиеме некоја сексуално пренослива болест само поради  малку подобро чувство. И нам ни е подобро кога сме во удобни патики, но тоа не значи дека во дискотека ќе одиме облечени како да одиме на планинарење. Врската значи жртвување, ова е едно од нив.

4. Вкусот на кондом е ужасен
Овој изговор нема смисла. Единствените личности кои се под ризик да го почувствуват вкусот на кондомот, под услов да станува збор за хетеросексуална врска, се жените. Ако нас не ни смета вкусот од кондомот, вие немате право на глас.

5. Немам болести
Мажите кои тврдат дека се чисти и дека се имаат тестирано, такашто слободно можат да продолжат без кондом, веројатно тоа го имаат кажано на поголем број девојки отколку што можеш да замислиш. Ако мажот инсиситра на сопствената чистота секогаш можеш да кажеш дека ти не си тестирана и дека сакаш да бидеш сигурна.