„Јас сум идиот. Жал ми е“, рече холандскиот фудбалер, признавајќи дека физички ја злоставувал преубавата сопруга Силвија во новогодишна ноќ.

Еден од најдобрите холандски фудбалери во последната деценија, сега фудбалер на Хамбург, а поранешен играч на Тотенхем, Реал и Ајакс, Рафаел Ван Дер Варт признал дека ја удрил сопругата Силвија за време на дочекот на Нова година.

Последица на се ќе биде развод.

„Тоа беше глупо од моја страна. Јас сум идиот. Жал ми е. Тоа не требаше да се случи“, рече Ван Дер Варт.

Инцидентот се случил на приватна забава во Хамбург и дека пред кавгата и физичкиот конфликт изгледале среќно, задоволно и често позирале заедно. Кавгата, велат очевидци, избувнала во секудна и после лавина навреди од двете страни, Рафаел ја удрил Силвија која паднала на подот.

По сето тоа, секој заминал на своја страна, а Силвија подоцна рекла, додуша не јавно, дека му простува на сопругот, но... недолго потоа се појавија информациите дека фудбалерско-естрадниот брачен пар наскоро ќе се најде пред судот на развод. Тие се во брак од 2005 година и имаат еден син, Дамијен Рафаел, роден една година по склопувањето на бракот.