Пејачката Бијонсе се скара со модната компанија H&M, откако разбра дека уредниците користат фотошоп, за да ја менуваат нејзината фигура...

Ѕвездата стана лице на летната колекција на шведскиот моден бренд. За рекламите на компанијата пејачката позира со најновите предлози на костими за капење.

Таа сепак остана незадоволна од резултатот од заедничката соработка со Швеѓаните, откако откри дека се преработени фотографиите со цел пејачката да изгледа слаба.

"Кога Бијонсе разбра дека го измениле нејзиното тело, збеснала. На крајот H&M мораше да попушти и да ги користи оригиналните слики без фотошоп.

Портпаролот на марката не се задлабочи во проблемот, велејќи само дека и двете страни се задоволни од крајниот резултат.