Актерката ќе се најде на суд, а би можела да плати и надомест од десетици милиони долари...

Компанијата "Hertek", која произведува импланти за коса, ја тужи Парис Хилтон поради кршење на договорот. Наследничката на империјата "Хилтон" била обврзана со договор дека ќе ги носи и рекламира нивните импланти за коса, а за тоа добила 3.5 милини долари.

Сепак Парис ја фотографирале и снимиле со инсерти од конкурентниот производител. Во тужбата поднесена во судот во Лос Анџелес се наведува дека Парис во 2007 година ја пропуштила промотивната забава, бидејќи била во затвор поради невнимателно возење.

Бидејќи Парис за промоцијата на инсерти за коса добила 3.5 милиони долари, "Hertek" бара 10 пати поголема оштета - 35 милиони долари.

Судот во Лос Анџелес ќе одлучи дали и колку пари Хилтон ќе мора да му плати на "Hertek".