Италија | Андреа Пирло признава дека разговарал со Алесандро Неста за можна преселба на дефанзивецот на Милан во Јувентус по крајот на сезоната...

36 годишниот Неста е под договор со Милан до 30. јуни, и подолго време се говори дека екс-репрезентативецот на Италија би можел да ги следи стапките на Пирло, и како слободен агент да се пресели во Јувентус во летниот трансфер период.
 
“Да, разговарав со Неста за една ваква опција, но ова се лични работи.” – рече Пирло за Sky Sport Italia.
 
“Тој игра за голем клуб, и слободно може да донесе било каква одлука. Ќе видиме што ќе се случи по крајот на сезоната.”
 
Пирло, кој е клучен фудбалер на Јувентус оваа сезона, го напушти Сан Сиро минатото лето откако му истече договорот со Милан.