Евро 2012 | ТВ мрежата од Мексико, Televisa им понудила на Пеп Гвардиола и Жозе Мурињо по 1,5 милиони евра за да ги коментираат натпреварите од Европското Првенство...

Медиумите од Шпанија пренесуваат дека двајцата големи ривали, Пеп Гвардиола и Жозе Мурињо добиле интересен предлог за соработка.

ТВ мрежата од Мексико, Televisa им понудиле на стратезите по 1,5 милиони евра за да ги коментираат натпреварите од Европското Првенство што летоска ќе се одиграат во Полска и Украина.

И покрај тоа што понудата била многу примамлива, 1,5 милиони евра за дваесетина дена работа, Пеп Гвардиола решил да ја одбие и да остане достоен на ставот дека му е потребен одмор по исцрпувачките четири години на кормилото на Барселона.

За разлика од него, Жозе Мурињо сеуште ја анализира понудата, и наскоро ќе одлучи дали да ја прифати или пак да ја отфрли.

Се говори дека ’Специјалниот’ посакува ова лето повеќе да биде инволвиран во преговорите на Реал Мадрид за ангажман на нови фудбалери.

Исто така не се отфрла можноста Португалецот да биде коментатор само на некои од поважните натпревари.

Во минатото, стручни коментатори и аналитичари за Televisa беа неколку познати имиња, како Луис Фиго и Зинедин Зидан.

Powered by: 24 FUDBAL.com.mk