Англија | Според медиумите од Франција, ПСЖ не се откажува од идејата за ангажман на Еден Азар од Челзи, ’Светците’ можат да одвојат 60 милиони евра за ангажман на фудбалерот...



Тимот од Паркот на Принцовите минатата недела доби казна од УЕФА за прекршување на правилата за финансиски фер плеј, но тоа нема да го спречи ПСЖ во намерата да донесе топ засилување.
 
’Светците’ подолго време се поврзуваат со Еден Азар од Челзи, а според денешните изданијa на L’Equipe и Le Parisien, репрезентативецот на Белгија ќе биде трансфер целта број 1 ова лето.
 
Извештаите велат дека фудбалерот одлично се вклопува во тактичките замисли на тренерот Лоран Блан за формација 4-3-3, но и за формација 4-4-2.
 
Шампионот на Франција сега ќе треба да го убеди Челзи да се раздели со Еден Азар за 60 милиони евра, бидејќи од прилика толку ќе имаат ’Светците’ за трошење ова лето поради казната што им ја изрече УЕФА. Доколку сакаат да одат над оваа сума, најпрво ќе мораат да продадат некои од играчите.
 
Челзи го ангажираше Еден Азар во 2012 за 40 милиони евра, тој беше нивниот најдобар играч изминатава сезона, па сигурно ’Сините’ нема лесно да се откажат од 23 годишниот офанзивен фудбалер.
 
ПСЖ сепак се надева дека ќе успеа да ја реализира оваа зделка со оглед на тоа дека Еден Азар по елиминацијата од Лигата на Шампионите изрази незадоволство, и го критикуваше Жозе Мурињо за дефанзивниот пристап кој го негува.

Извор: 24FUDBAL.com.mk