Италија | Сопственикот на Наполи, Де Лаурентис му се јавил на газдата на Палермо, Зампарини и се распрашувал за можноста да го купи Несторовски во јануарскиот преоден рок...



Македонскиот напаѓач игра во одлична форма во Серија А по што го навлече вниманието на многу поголеми клубови од Палермо.

Палермо води жестока битка за опстанок, а клубот не е финансиски најстабилен, Зампарини на почетокот од сезоната рече дека им требаат уште околу 15 милиони евра за да ја затворат сезоната.

Една од опциите да ги обезбедат тие пари е да го продадат Несторовски, играчот кој во моментов вреди најмногу во Палермо.

Поранешниот тренер на Наполи, Џани Ди Марцио кој е близок до претседателот на Палермо, Зампарини, откри дека Наполи е сериозно заинтересиран за Несторовски.

„Ќе ви дадам една вест. Де Лаурентис му се јавил на Зампарини и официјално се распрашувал за Несторовски. Тој е играч кој секогаш има чувство за гол, а Наполи сака такви фудбалери“ - изјави Џани Ди Марцио.

Де Лаурентис и Зампарини имаат добра соработка кога се во прашање трансферите, Единсон Кавани играше во Палермо пред да се пресели во Наполи.

Извор: 24FUDBAL.com.mk