Англија | Дефанзивецот на Челси не сонува за трансфер во клуб како Реал Мадрид или Барселона, негов сон е еден ден да се врати во Бенфика и со овој клуб да ја освои Лигата на шампионите...



Давид Луиз од Сао Паоло направи трансфер во младинскиот погон на Виторија од Португалија во чиј дрес дебитираше во сениорска конкуренција. Од таму се пресели во Бенфика и тој клуб остана во неговото срце.

„Мојот сон е да се вратам во Бенфика и да станам Европски шампион со нив“ - вели Давид Луиз.

„Не знам дали тоа ќе биде како тренер или како фудбалер, но сакам да се вратам таму“.

Давид Луиз со Челси го освои и трофејот од Лига Европа и тоа во финале против Бенфика.

„Еден од моите најтешки денови во кариерата беше победата во финалето од Лига Европа против Бенфика. Ме болеше да ги гледам тажни моите пријатели“.

Извор: 24FUDBAL.com.mk