Англија Сер Алекс Фергусон верува дека Манчестер Сити ќе продолжи да троши пари се додека не освои трофеј.

Во среда се игра големото дерби на Манчестер, Сити го пречекува Јунајтед.

Дербито доби на уште поголема тежина откако Шеиците влегоа во Сити и му дадоа огромна финансиска инекција.

И покрај големите пари, Марк Хјуз и Роберто Манчини сеуште не стигнаа до трофеј, последната титула која Сити ја освои е во далечната 1976 кога победија во Лига Купот, нешто што наидува на потсмев кај фановите на Јунајтед, кои со парола (на сликата) ја потенцираат импотентноста за успеси на големиот ривал.

Сер Алекс Фергусон вели дека новиот лик на Манчестер Сити дава посебна острина на лигата, и смета дека тие ќе трошат се додека не освојат титула.

"Добриот старт на Сити оваа сезона даде острина на играта. Не верувам дека има било какви сомнежи околу тоа" - изјави Ферги.

"Знаеме за парите кои ги трошат, тие купија пет-шест нови фудбалери изминатото лето, и ќе продолжат да го прават тоа се додека не освојат нешто".

Powered by: 24 FUDBAL.com.mk