Компанијата Microsoft, по десетоинчниот Surface таблет развива и мини уред со екран од седум инчи.

Wall Street Journal пренесува дека сериското производство на мини-таблетот на Microsoft, кој ќе работи на оперативен систем Windows 8, би можело да почне кон крајот на оваа година.

Неименуван извор запознаен со плановите на Microsoft кажал за американскиот дневник дека седуминчните таблети не биле дел од стратегијата на компанијата минатата година, но раководителите сфатиле дека е потребен и нивнен одговор на се попопуларните помали таблети, како Nexus од седум инчи на компанијата Google и мини iPad-ите на компанијата Apple (кој има 7.9 инчи).

Wall Street Journal потсетува на тоа дека Microsoft својот прв таблет, Surface, го претстави во јуни минатата година.