Домашните обврски наскоро би можеле да станат лесни благодарение на јапонскиот робот Laundroid...



На Laundroid работеле компаниите Panasonic, Seven Dreamers јапонска компанија што се занимава со вселенска технологија и Daiwe House, при што уредот ќе пере, суши и здиплува облеката што ја пере. Претставен е на меѓународниот технолошки саем во Токио под името "Combined Exibition of Advanced Technologies", а за време на 5-минутното претставување Laundroid ја испра, исуши и здипли белата маица.

Laundroid користи две компоненти - компјутерска анализа на фотографиите од алиштата, која служи за идентификација на облеката што се става во уредот и роботизирана компонента за процесот на перење, сушење и диплење на облеката. Panasonic истакнал дека Laundroid ќе ги подобри животите на многу луѓе и ќе им овозможи слободно време. Модерната перачка машина би можела да биде лансирана на пазарот до 2020 година.