Омилениот утрински ритуал кај повеќето луѓе е филџан фино, вкусно кафе. Доколку овој ритуал изостане, тешко се будиме и стануваме нервозни. Остатокот од денот зависи од кафето...

Многу е лесно да стане зависник на кофеин, кој всушност е причината поради која кафето не буди затоа што не полни со адреналин. Адреналинот пак го задржува кортизолот кој кога ќе се насобере, создава исти ефект како и хроничниот стрес, замор, нервоза, раздразливост и намален имунитет. Кофеинот го стимулира мозокот да произведува неуротрансмитер допамин. Допаминот ни го крева расположението и не чува од депресија, затоа поголема е потрошувачката на кафе во местата каде нема многу сонце, како што е Скандинавија.

Луѓето кои пијат кафе се помалку склони кон депресија
Некои истражувања откиле дека луѓето кои пијат кафе имаат помалку проблеми со депресијата и Алцхајмеровата болест отколку оние кои не пијат. И додека поради допаминот се чувствуваме подобро, кофеинот ја потикнува мозочната активност која повторно ја потикнува надбубрежната жлезда на лачење адреналин.

Благотворното дејство од конзумирањето на кафе никој не го негира, но прекумерното пиење во комбинација со стресна работа доведува до сериозни здраствени проблеми, а да не споменеме и дека ќе станате и целосно имуни на неговите предности. Доколку ве боли глава а не сте се напиле кафе, нервозни сте и во блага депресија, тогаш би требало да ја намалите количината на омилениот напиток. Пробајте еден ден кафето да го замените со зелен чај или барем безкофеинско кафе.