Секојдневно пиење на аспирин значително го намалува ризикот од рак на дебелото црево, покажува ново британско истражување во кое учествувале 2800 болни пациенти и 3000 луѓе со добро здравје...

Студијата на Универзитетот во Единбург вели дека, секојдневното конзумирање на аспирин во рок од две години го намалува ризикот од рак на дебелото црево за 19%. Ако апчето се пие од 3 до 5 години ризикот се намалува за 24% и 31% ако се пие секојдневно од 5 до 10 години.

Предходните истражувања покажаа дека, за намалување на опасноста од рак на дебелото црево се потребни големи количини на аспирин, но британски тим научници докажа дека, се потребни само 75 милиграма дневно. Истата доза се препорачува и на луѓе кои доживеале срцев удар.